Диэн хоьоонунан композиция туруордулар. Бибэлэтиэкэ иьинэн сана уескээбит «Арчы»диэн хомус куруьуога сурэхтэннэ. Уьуйаан о5олоро ийэлэригэр хоьоонунан композиция бэлэх ууннулар.
Ийэ тылбыт сүмэтин, кэрэтин сэҥээрээччилэргэ аналлаах хоһоон күрэҕин сонуннара.
Арыылаах бибэлэтиэкэтэ саҥа саҕалаан эрэр айар куттаах ааптардарга анаан *»Уруйдуубун күн күбэй Ийэбин»* диэн Саха сирин ийэлэрин күнүгэр аналлаах хоһоон айыытыгар оройуоннааҕы күрэҕи ыытта.
Күрэххэ саҥа саҕалаан эрэр ааптардар кытыннылар. Үксүн аҕам саастаахтар кыттыыны ыллылар.
Хоһоон тиэмэтэ: Күн күбэй ийэни
— хоһуйуу,
— сырдатыы,
— уруйдааһын.
Сүрүн ирдэбил — хоһоон хаһыакка, сурунаалга, хомуурунньукка бэчээттэммэтэх буолуохтаах.
Күрэххэ барыта 22 хоһоон айылынна, 21 хоһоонньут кыттыыны ылла.
1 үрдэл тигистэ Стручков Василий Святославовичка — Василёк, 32 саастаах. Анал байыаннай дьыала кыттыылааҕар.
2 үрдэл тигистэ Табалаах орто оскуолатын учууталыгар Эверстова Лилия Гаврильевнага.
3 үрдэлгэ тигистэ 67 саастаах Үөттээх нэһилиэгин олохтооҕо Галина Михайловна Вырво.
Бириистэри туруордулар Герой ийэ Дария Степановна Ефимова сыдьааннара: о5олоро, сиэннэрэ, хос сиэннэрэ.
Айар куттаах, уран тылы сомоҕолуур дьоҕурдаах дьоммут, бу күрэххэ олус бэркэ кытыннылар. Үлэлэр алтынньы 18 күнүгэр диэри киирбиттэрэ.
Бу күрэҕи иилээн-саҕалаан ыытта Арыылаахтааҕы бибэлитиэкэ салайааччыта
Анна Ивановна Васильева.
Бары айар куттаах дьоннорбут ааттарыттан Анна Ивановнаҕа махталбытын тириэрдэбит.
